Dende o departamento de Lingua Galega e Literatura participamos neste proxecto con moita ilusión, pois consideramos que a linguaxe tamén ten moito que ver co que comemos, co que nos venden e co que somos. Así que velaquí as nosas actividades:
- 1ºESO. Receitas saudábeis e ecolóxicas
Coa nosas exquisitas receitas saudábeis, coñecemos as características dos TEXTOS INSTRUTIVOS; e polo tanto, a estrutura de toda receita de cociña. Se a isto lle sumamos a utilización das novas tecnoloxías, velaquí o resultado.
- 2º ESO. O spot televisivo
Analizamos os elementos verbais (corpo, slogan...) e non verbais (imaxe e son) deste tipo de textos persuasivos e profundizamos na importancia das figuras retóricas neste formato publicitario .
O punto de partida para iniciar esta actividade foi a seguinte presentación
A partir de aquí, distribuímos o traballo en grupos e puxémonos a realizar un spot televisivo no que se promocione a filosofía deste Plan Proxecta: os hábitos de alimentación saudable.
E velaquí os resultados!!
- 3ºESO. Documental: a comida lixo
Neste nivel, traballamos o texto expositivo e argumentativo a través do xénero do documental. Despois dun profundo proceso de investigación, centrámonos nos seguintes aspectos.
- Que entendemos por comida lixo?
- Que valor nutricional supón para o consumidor?
- Que vantaxes ten?
- Inconvenientes ou efectos secundarios na saúde
- Algúns consellos saudables
- Por que o ecolóxico é máis sa.
Aquí deixamos unha mostra dos traballos realizados
Ningún comentario:
Publicar un comentario