ARRINCAMOS O PROXECTO COA SEMANA SA!!

A Semana sa, está incluída no macroproxecto "A roda do Ano", celebrouse na semana do 29 de xaneiro ao 2 de febreiro, e resultou ser unha experiencia exitosa, útil e concienciadora  que pensamos repetir.

Consistiu en varias actividades:

1.  Elaboración de almorzos saudables e ecolóxicos dirixidos ao alumnado de 1º ESO, cada día almorzou un grupo de alumnos e alumnas; esta primeira comida consistía en: zumes naturais de laranxa, torradas con marmeladas ecolóxicas, leite con cacao natural e froita. Os almorzos elaborounos un grupo de profesores e profesoras, pertencentes a este proxecto, en quendas.

2. O alumnado de Iniciativas emprendedoras, xunto co profesor da materia, foron mercar os produtos a un supermercado da zona, para adquirir competencias que se traballan nesta materia.

3. Dentro desta semana houbo un obradoiro de cociña, a cargo do profesor de educación Física

4. Tamén puidemos asistir a conferencias sobre comida saudable  e dietas.

Á volta do Nadal arrincamos coa SEMANA SA! Cociña saudábel, almorzos para os rapaces de 1º da ESO, venda de produtos ecolóxicos... irémolo contando!!

Arrinca o multiproxecto O lóxico é alimentarse ben

Dentro da liña de traballo do curso actual, centrada no tempo dedicado á nosa saúde e relacións persoais, así como ó medio natural onde vivimos, o EDL vai coordinar o Proxecta "O lóxico é alimentarse ben", dentro do programa "Faite eco do lóxico".

Realizaremos actividades sobre alimentación saudable desde un punto de vista interdisciplinar: vídeos de youtube, exposicións, videoxogos, campañas concienciadoras, etc.